الحلى الحلزوني بالصور ::لايفوتكم روووعه

اليوووم جاااايبه لكم حلى يجنن انا مجربته
اسمه (((((الحلى الحلزووني))))
المقادير :
1/ حليب نستله..
1 /زبده
2/ بسكويت شاي
نصف علبه جالكسي السائله








الطريقه:
نطحن البسكوت ويكون ناعم..





ونضيف معاه علبه النستله والزبده بعد ما نذوبها وراح تكون مثل العجينه

ناخذ نصف الخلطه (العجينه) ونفردها على القصدير
ويكون فيه شوي زيت علشان ما تلصق الخلطه بالقصدير
وراح تكون عندك بهذا الشكل




نذوب الجالكسي (نحط الجالكسي في اي شي فوق قدر فيه مويه ونخليه على النار لما يذوب)
وناخذ شوي من الجالكسي ونحطه فوق الخلطه اللي فردناها
وخليها تكون مثل الشكل هذا




حطيها بصينيه ودخليها للفريزر
بعد ما يجمد الجالكسي طلعيها ولفيها بهذا الشكل






بعد ما تنتهين من لفها دخليها للفريزر
وطلعيها وقت التقديم وشيلي القصدير عنها
وقطعيها قطع متساويه
والنصف الثاني من العجينه سويه بنفس الطريقه
وقدميها بارده مع القهوه
وهذا شكلها النهائي




بالعافية

حلوه الطريقة شيخة المزايين تسلمين

اذكرج بموقف شيخة المزايين

ايام المدرسة ( ثانويه عامه ) فيه وحده من الصف عامله برزنتيشن للانجليزي ويايبه وياها مقادير بسكويت بالكاكاو والحليب المركز

تعرفي ان ربيعتج وعد الوفا خبصت الطبخة وسوتها بس طلع تخبيصها حلو ههههه بصراحه كان طعم البسكويت يجنن ههههه

ذكريات لا تنسى مع وعد الوفا تحياتي لها

ومشكوره شيخة المزايين على الطبخة لأنج ذكرتيني