تــــ ـ ـدري وصــ ـ ـالك أكــبر طمـــ ـ وح بـحــ ـ ـياتي

ما عاد لي حيله على ملك الأشواق
مشاعري و أشواق قلبي(ملكوني)
الشوق بلوى و الشوق صار سراق!!
ويمك أحاسيس المحبه(دعوني)
مشتاق لك مشتاق مشتاق مشتاق
لكن ظروفي عن لقاك (ابعدوني)؟؟

يـا رب طمنـي علـى غاليا"غـاب =
إبطي و أنا اللي مـا أتحمـل غيابـه
في غيبته ما شفت راحة و لا طـاب =
لي في حياتـي شـئ كلـش تشابـه
هو مطلبي من دنيتي أغلى الأحبـاب =
و هو ضحكتي جعلـي فـداه بشبابـه
و أن كنت ابكتب حزني اليوم بكتـاب =
بكتب له العنـوان " دمعـة غيابـه"

مالوم قلبي لإنتفظ عند طاريك
ومالوم عيني لابكت ياغلاها.
ياليتني قاعد قبالك وإحاكيك
ووصل النفس الحزينه مناها.
باختصــــار
ياما حسدت ربعك اللي حواليك
بالشوف يوم الله بقربك عطاها؟

من يقول ان عيني ليلهـا ليـل
من يقول اني ازعـل وأتشـره
السعد صعب في وجه المقابيل
بين برد الغـرام وبيـن حـره
ما بقالك تحت جفني مراسيـل
وانا ما اشوف بعيونـك مبـره

كل اللي يكفيني بعمري لحظتين..
لحظة أشوفك و أختنق من عبرتي..
ولحظة أبادلك الحنين..
و أشتاق لأحلى لحظتين..
و أشتاق أنا في هالحياة لكلمتين..
كلمة " أحبك" نفسها بس مرتين..

لو كنت اعرف انه يجي يوم وانسـاك
ما كـان سلمتـك خفوقـي لصـدرك
كنت اخلق الأعذار وانسـى خطايـاك
ليتـك تعلمتـي الوفـا كثـر غـدرك
ياللي مشيتي بي على درب الاشـواك
ما عاد قلبي فدوتك (( طال عمرك ))
واليـوم قلبـي مـا اظنـه بيهـنـاك
ما عاد افرق بين وصلـك وهجـرك
قلبي وانا مـع غالـي الدمـع بعنـاك
وموتي من اللوعه ترى طاااح قـدرك

حاكني بأقوى تعابير"الكـلام"
للفرح باسلوب تكفى دلـني.!
وضمني بأدفى مراسيل "الغرام".
ومن شتات الوقت يمك لمــني.!
خلني طفل على صدرك "ينــام"
غير قـــربك يالغلا ماهمني.!

محبوب روحي منك روحـي عليلـه
ارفق ترى قلبي مـن الشـوق مبلـي
مجنون في روحك وروحـك بخيلـه
انـت الهنـا والشقـا والتعـب لـي
مدري دريت انـك معـي كـل ليلـة
او اني اشوفـك معـي بيـن أهلـي
ان غبت عني فيـك روحـي عليلـه
وان جيت لك خذني على قـد عقلـي

وربي مابكت عيني على شي فقدته وراح
وربي مانزل دمعي ولو حتى على شاني
وربي ماشعرت بيوم صدري ضاق بي أو صاح
كثر ماضاق هالمره وصاح حرماني
وربي ماعرفت ان الدموع اذا بكيت ارماح
الا بعد منهو غيابه حيل "بكـــــــــاني"

ياقلبـي اللّـي ماتعـدّد مـزايـاك
ومافيه أحد كفو .. لوفاك .. وحنانك
جعل الله يعينك .. ويغفر خطايـاك
كانك وثقت بمن تحبّـه .. وخانـك

قال الفراق وقلت ماني بقاويه
طـاري فراقـك زاد بالقلـب علـه
ياللي خذيت القلب مني ومافيه
ارفق بقلبـي يابعـد كـل مـن لـه
جيتك وانا شوقي يسابق خطاويه
شوق الخليل اللي فقد شوف خلـه
قاسي حبيبي جعل ربي يجازيه
وعسـى دروبـه كلهـا مسفهلـه

يالعنبـو ظـروف عنـي تحـدك
عني اقصرت رجلك وانا ماقدر اجيك
لوهـو بكيفـك دوم يـدي بـيـدك
نصبح ونمسي دايـم ايـدي بيديـك
اصبر واحذر تكشف النـاس سـدك
ولابد عقب الغيـم تصفـي لياليـك

مشتاق لك
والله يدري كم من الشوق
فيني ؟
اراقب قدومك وداخلي نار الاشواق
واكبر دليل النوم مازار
عيني
انا اشهد ان القلب في غيبتك ضاق
ولو الامل لاقول ضاعت سنيني
قل ياعسى ماينكتب بيننا فرااق ...

لبيـــه .. من قاصي ضلوعي .. لـ طاريك
ياواحدٍ طاريـهـ يطرب .. سمــــاعه
افــرح اذا ناديت باسمي والبيك
" نديمتك " لها الشرف كل ســــاعه
امر تدلل واطلب العين .. نهديـــك ..
ولك مننا " ياشيخ " سمعٍ وطـاعه ..

ياسيّدة قلـبٍ مـن العـام مخطـور
يامحتـوى فكـري وغايـة مزاجـه
ان كان مالي في سماء حضرتك دور
ابطى زماني ماضحك لـي حجاجـه
عمري بدونك صارت ايامه شهـور
حتى هدوءه صـار يشبـه ازعاجـه
والقلب مهما صار ماهـوب معـذور
ان ماوصل ويـاك عنـق الزجاجـه

[[عساني]]
أفقد الدنيا ولافي يوم تنساني،،،
"وعساني"
أموت وأندفن ولأشوفك
(تخليني)
وعساك تفرح بدنياك
لو الفرح ماجاني،،،
وعسى الدنيا تضحك لك حتى لو تبكيني"

يـامـبـعـد عـن شـوف عيني مـسـافات
لاتحـسـب إنه يـخلـف الـبعد ظـنـي
غـلاك بقلـبي شـامـخ مابعد مات
وماهزته بعد المسافات عني
لو نبتعد..
روحي وروحك قريبات
°° الــوفـــا °°
جمعهم غصب عنك وعني..!!

لوماحبك عشت في
الدنياغريب
لوماحبك كنت ضايع
يالحبيب
لوماحبك مابكى بصدري
غرامي
لوماحبك ماتأسفت
بكلامي
لوماحبك ماتبسم لي
زماني
لوماحبك عشت طول
عمري اعاني
لوماحبك ماتغنى بك لساني
لوماحبك ماأجيك
بشوق اعاني

ودي أبادلك الفرح والحنيني
وأرسم لشوفك بين الأهداب ميعاد
ودي أريح في يدينك يديني
وأطلق خطاوي غربتي رحلة أعياد
ودي ولكن لي رجا سامحيني
ما عاد في قلبي للأشواق ميلاد

قلبي معك لوكان جسمي مع الناس"
ماغاب طيفك عن خيالي دقيقه"
أجلس بوسط الناس سارح بهوجاس"
لافي يدي حيله ولا لي طريقه"
حبك بوسط القلب مبني على ساس"
وإن قلت أموت بشوفتك هي :
(الحــــــــــقـــيقة)

أشتقتلك ياصاحبي وين ألاقيك..
محتاج لك بالحيل ودي أشوفك..
أشتقت أسولف معك واسمع حكاويك..
واللمه الحلوه وباقي مزوحك..
ياصاحبي من كثرمطريك واغليك..
صرت أتحلم فيك وأصحى وماأشوفك..

'ادري والله'
ياحبيبي وقتي لك دايم قليل"
حيل انا مقصر..
(ولكن)! قلبي لحظه مانساك"
وش هي الدنيا بدونك!!
وفي البشر مالك بديل
(الله لايحرمني منك)
لا ولا يكتب جفاك . .

أخاف أشكي... أسبب جرح...
أخاف أحكي... أكدر فرح...
أخاف أشرح...ولاأوفي!!
ويضيع"الحب"..
ويضيع الشرح...
باترك الإحساس يتألم،والصمت يتكلم،،يقولك إنك...
أعزالناس
أغلى الناس
"أحب الناس".

لايلحق الخاطر هواجيس وهموم
دام الغلا في داخل القلب مرســام~
واللي ركز حبك وسواله وشوم
تفسيره اصعب من تفاسيرالاحـــلام~
وكان الغلاقسمه ترى البعد مقسوم
وهاذي هي الدنياعلى مر الايـــــام~

أبيك تحب_ _أبيك تحن..
‏
أبي توله_ _مثل أول..
‏
أبي عينك_ _تناظرني. وتترقب بجياتي.!!
‏
أبيك تحس_ _أبيك ترد..
وأبيه البعد مايطول..
أبيك تشوف"حبي لك"
مع قلبي...
وفي ذاتي...‏
أبيك تلومني_ لوغبت_
أبيك تثور..
وأبيك تزعل_ _!!
وأبي أرضيك بخضوعي معك وبكل غاياتي..

قربك يبل القلب لا صار محروق
وشوفك ينسيني كل هم مضالي
يا شوق أنا مشتاق لك حيل يا شوق
تبقى على طول العمر وسط بالي
قلبي معك من عدة سنين مسروق
هذا مكانه داخل الصدر خالي

تذكرتـ.ـك!

وفي عيني مواري الحزن من ذكراك '

يلتفت يمك الخــافق،

وجتك خطــاه مجنونة
‏
وجيتك ثـ.ـاير العبرة

« أحبك »

من يقول أنسـاك ؟؟

غيابك نار من يقوى

يشيل النار بعيونه ؟؟

يا عيـوني لا تضـايقـت قلـّـي
عشـان أحس بضيقتــك و اتضـايق
يكفــي تلـمـح لـي و أنا أجيـك كلـي
أضيــــــق من شانك ولو كنت رايـق
حـنـا اتـفـقـنـا نشكـي لبعـض ياللـي
تخفــي وري ضحكـة عيـونـك حقــايق

رجعت لك ماكني اللي
نسيــتك
ساري خيالي في متاهات ذكراك ..
ومن حسن حظي يوم جيتك
لقيــتك
وانا ماكنت ولا هقيت اني القاك ..
جيتك .. وضم جروح قلبي
فديــتك
في حضنك الدافي وفي نار لاماك ..

وش اسوي بقلب مل صبره وصابر .. ؟
وش اسولف واسولف ياغلاي وحنيني..؟
لو تموت الاماني ماتموت المشاعر
رغم حظي وحظك شوف وينك وويني
انت حلم وصاله ماانقطع دوم عاطر
كيف بنساك قلي وانت .....
"منــي وفينــي"

من بد خلق الله أنا ليه
بالذات ؟
ماتمشي الدنيا على
ماتمنيت ؟
دمعي رجا خدي يعديه
بسكات ..
وخدي عشان الدمع
بيقول عديت !
مرة النصيب يصيب
ويخيب مرات ..
ياليت لي صحبة مع الحظ
ياليت ..

يا نور عيني في غيابك تعذبت
أمشي على دربك وأناجي سرابك
يشيب رأسي عن محبتك ما تبت
مالي وجود بدون حضرة جنابك
لك وحشة في خاطري لا تغيبت
تظلم علي دنياي ساعة غيابك

من عقبك الدنيا بعيني
كئيبه.
لا الحظ صالح لي ولا
النوم طايب.
عرفت ليش دموع عيني
سكيبه.
وعرفت ليش أقول
ماللحب تايب.
ومامرني في طول
عمري مصيبه.
أشد من قسوة فرقـــــا
الحبايـــــــــب

ياللي تغرك ضحكتي بعض الأوقات
أحيان بعض الضحك معناه موتي
أوقات تلقاني أحاكيك بسكات
يوم الكلام يموت داخل سكوتي
يوم الحناجر تحتضر فيها الآهات
واعجز عن الشكوى ولو طال صوتي .

ودي أدق الـرقـم وأقــول كـيـف أنت ؟
ودي أسـولــف عـن مشـاعـــر جــديــده
ودي أقول بعالي الصوت من هو أنت ؟
أنــت غـــلا الـمـشـتــاق وأنــت وريـــده
ودي أسـولــف للـبـشـر كـيـف كـونــــت
فيـني من الحــب معــاني فـريده

كتبت الشعر لعيونك
وهمي في الحياة رضاك!
أشوف أشعارك لغيري ولافكرت ترضيني..؟
أبزرع حبـك بشعري
ولو صار القصيد أشواك
أبجني زهرة أشواكك
ولو طاريك يدميني..!

عهد قطعته لو مضى العمر" منساك"
الا اذا صادفت " لحظة وفاتي"
جايز.. "أحبك أفقدك و أتناساك"
جايز.."تغيت وتنسى حبي وغلاتي"
بس انت تدري كيف أنا احس وياك..
وتدري وصالك اكبر طموح بحياتي..

ياصاحبــــي ..
جيتك انا اليوم طالب
طالب للي بالوثايق وعدنـــي ..
اللي مواعدني على وصل الاقراب
وانه يعوّض بالوفا من جحدني ..
والظاهر انه .. باعني اليوم بتراااب
وشكلي بودع دنيــــتي
.. مافقدنــــــــــي

وسلامتكم

ما شاء الله روعه روعه ذوووق في تعبير
كلام ولا اجمل مشكوره شيخه ع ها

تسلم اخوي على المرور

الذو هو مرورك

وقراءتك للموضوع :D